 |
| ©photo credit to Zahid Ismaili |
خْصارة يَاقَرْيَتِي الْحَبِيبَة
مَن كَثْرٓتْ شَوْقي ليكًْ دَّاوْني رَجْلِيَّا نْزورَكْ لَكن بصَراحَة ضَرْني قَلْبي بزَّاف عْلى الْحَال لِّي رْجَعْتي فِيهْ
قْصَرْ مزكيدة لِّي كَانْ يَتَّضْرَبْ بِهْ المثَلْ فْكُلْشِي تَّهْجَرْ وْبْقَاو حْيوُطُو يْرِيبُو ولاَّ أَطْلاَلْ حَتَّى نَاسْها
سَمْحو وهَجْرُوهَا
مْزگيدَة لِّي كَانْتْ فْأَيَّامْ الطُّفُولَة ماكَتُوْقَفْشْ فِيهَا الْحَرَكَة دْرُوبْهَا كُلْهُم عامْرِين بْالأَطْفَالْ وْالشُّيُوخْ وْالنّسَا
مْزْكيدَة لِّي إِلَى بْغَاتْ السيْدَة دُّوزْ فْمّ لَقْصَرْ ماتَقْدَرْش
عَامرْ برْجَالْ وَتْفَضَّلْ ضْرَبْ الدورة بَاشْ تدْخَلْ من الخرَّاجِيَّاتْ
خْلاَت ْمَزْكيدَة ياَخْصَارَة
أَنا بَعْد مْشِيت وْيَارِتْنِي ماَمْشِيتْ ومَاشَفْتشِ لّي شَفْتُو
ياَرِيتْ بْقاَتْ دِكْ مَزْكِيدَة لِّي كَانَتْ عَالْقَة فْذَاكِِرْتِي
يَامَنْضْرا وَاشْ تَرْجَعْ لِكْ أَيَّامَكْ لِّي فَاتَتْ ياَمَزْكِيدَة وْلاَّ يْجِي اليَوْم لِّي توَلِّي ذِكْرى مُرَّة فِقْلُوبْ وْلاَدَكْ وْبنَاتكْ
طَبْعاََ تَنَتْكَلَّمْ عْلَى وْلاَدَكْ وْبْنَاتْك لِّي شَفُوكْ فِي أَبْهَى حُلَّة فالْخريفْ والعيد لَكْبيرْ وعَاشُورَا والمَوِْلدْ النَّبَوي
ياااااااه يا دنيا 
 |
| ©photo credit to Zahid Ismaili |
- بقلم السيدة عائشة الرجدالي https://www.facebook.com/mezguida/
